Hobbidən dünya səhnəsinə aparan yol: Fransız Polineziyası gözəlliklərinin xəritəsinin yaradılması yerli sakinlərə necə ölçüyəgəlməz faydalar gətirdi.

Biznesə zövq qatmaq

Street View və Fransa Polineziyasının gözoxşayan adalarına sevgisindən həvəslənən Christophe 2019-cu ildə Tahiti 360 şirkətini qurdu. Şirkət gəzinti cığırları və çimərliklər daxil olmaqla, Fransa Polineziyasında geniş açıq hava məkanlarının 360 dərəcəlik görüntüsünün Street View'da şəkillərinin çəkilməsi və yüklənməsi sahəsində ixtisaslaşıb. Əsas diqqətini ada həyatının gözəlliklərinin şəklini çəkmək və göstərməyə yönəldən Christophe yerli bizneslərə müfəssəl Street View qapalı virtual turları ilə daha çox görünmə dərəcəsi əldə etməkdə də kömək edir.

Fransız Polineziyası xəritəsinin yaradılması

Demək olar hər şeyin rəqəmsallaşdırıldığı bir vaxtda Christophe və Tahiti 360 şirkəti adaya gələnə qədər Fransa Polineziyasının sadəcə peyk görüntülərinin mövcud olduğuna inanmaq çətindir. Məsələni daha da qəlizləşdirən məqam isə Bora-Bora və Taiti kimi adalardakı küçələrin adının olmaması idi, buna görə, həm yerli sakinlər, həm də turistlər istədiyi yerə getməkdə çətinlik çəkirdi. Ən önəmlisi odur ki, bütün bunlar yanğınsöndürənlər, ilk yardım heyətləri və hüquq-mühafizə orqanları kimi təcili xidmətlərin işini çətinləşdirirdi.

Street View'nun ada həyatına gətirə biləcəyi faydaları nəzərə alan yerli hakimiyyət orqanları Taiti, Murea, Bora-Bora, Raiateya, Maupiti, Huahine, Fakarava və Rangiroadakı bütün yolların xəritəsini çəkmək və istinadları təmin etmək üçün Tahiti 360 şirkəti ilə əməkdaşlıq etdi. Christophe 1800 km-lik Fransa Polineziyasının yol xəritəsini yaratmaq üçün motovezdexodlardan, qolf maşınlarından, elektrik velosipedlərindən, dəniz motosikllərindən və hətta atlardan istifadə etmişdi. Christophe'un qismən əhatə dairəsində və hakimiyyət orqanları tərəfindən paylaşılan yerli coğrafi məlumatlar sayəsində, indi Google Xəritədə Taitidəki canlı trafik güncəlləmələrini, ən sürətli marşrut təkliflərini və yerli bizneslərə istiqamətləri əldə etmək mümkündür. Bu, nəticədə adada daha səmərəli işləyə bilən təcili yardım xidmətləri üçün xüsusilə faydalıdır. Nəhayət, Street View'da Tahiti 360 şirkətinin şəkillərinə giriş imkanı sayəsində şəhər planlaşdırması, binalara texniki qulluq və yol şəraitləri işlərini də asanlaşmışdır.

YUNESKO-nun Ümumdünya İrsi Ərazisinə Giriş

Tahiti 360-ın ən müfəssəl turu Riateya adasındakı Taputapuatea ərazisi üçündür. UNESCO-nun Ümumdünya İrsi Ərazisi hər il Fransa Polineziyasına 300,000-dən çox ziyarətçinin səfər etməsində böyük rol oynayır. Lakin Christophe buranın gözəlliklərini 360 dərəcədə çəkməklə milyonlarla insana onu virtual təcrübədən keçirmək imkanı verib. Christophe'un Street View'da dərc olunmuş işi bu dünya möcüzəsini ekranlarımıza gətirərək hamımıza onu araşdırmaq imkanı verir.

Bütöv bir adanı əhatə etmək asan iş olmasa da, Christophe çətinliklərə hazır idi. Bora-Boranın təklif etdiyi bütün gözəllikləri 360 dərəcə çəkdiyindən əmin olmaq üçün ada ərazisində avtomobil, qayıq və piyada məsafələr qət etdi. Christophe'un bütöv adanın xəritəsini çəkməsi və onu Street View'da hamının təcrübədən keçirməsi üçün əlçatan etməsi cəmi yeddi gün çəkdi.

Bora-Boradan əlavə, Christophe Taitinin paytaxtı olan Papeetenin bütün küçələrinin, həmçinin Pirae şəhərinin də fotolarını çəkdi. Hər iki şəhərin şəkilləri Street View'da peyda olduqda, görünmə dərəcəsi öz bəhrəsini verdi.

Yerli bizneslər də Street View'da parlamaq şansı əldə etdi. Intercontinental, Manava və Hilton kimi böyük otel qrupları, həmçinin daha kiçik B&B biznesləri də öz müəssisələrini qlobal səhnədə nümayiş etdirmək imkanı əldə etdiklərinə görə həyəcanlı idilər.

Arzular siyahısına əlavələr

Tahiti 360 şirkəti ilin sonuna qədər Fransa Polineziyasındakı bütün adaları əhatə edəcəyinə ümid edir; Maupiti, Tahaa, Markiz Adaları, Qambye Adaları və Austral Adaları hələ tamamlanmayıb. Fransa Polineziyasında hələ əhatə ediləsi çox yer qalsa da, Christophe artıq növbəti sərgüzəşti haqqında düşünür. O, artıq 400 km-lik velosiped yollarını, Amyen bağlarını və Somme Tourisme agentliyi üçün turist qatarını əhatə etmək məqsədilə doğma şəhərindəki fransız yerli hakimiyyət orqanları ilə işləməyə razılıq verib. Christophe həmçinin 2024-cü ilin Olimpiya oyunlarında sörfinq tədbirlərinə ev sahibliyi edəcək Teahupoo ərazisini də əhatə edəcək. Bu arada o, Yeni Kaledoniya, Uollis və Futuna Adalarını da Street View'ya əlavə edərək yerli sakinlərin gündəlik həyatını yaxşılaşdırmağa və bu cənnəti araşdırmaqda daha çox insana kömək edəcəyinə ümid edir.

Street View töhfəverənlərin Google Xəritədə müfəssəl şəkillər nəşr etməklə icmaların inkişafına, bizneslərin böyüməsinə və dünya möcüzələrini evlərə gətirməyə kömək edə biləcək əməkdaşlıq platformasıdır. Ən yaxşısı isə budur ki, Street View ilə hər kəs öz uğurlarının xəritəsini çəkə bilər, töhfə vermək üçün ilk addımı atmaq kifayətdir.